ທ່ານ ສະເຫຼີມໄຊ ກົມມະສິດ, ລັດຖະມົນຕີວ່າການກະຊວງການຕ່າງປະເທດຂອງ ສ.ປປ ລາວ ກ່າວປາໄສຢູ່ ກອງປະຊຸມ ສະມັດສາໃຫຍ່ແຫ່ງ ສປປຊ

Regional, global solidarity indispensable to achieve sustainable development, said by Lao PDR minister
29 September 2018.

National governments and the international community must work “hand-in-hand” to realize the lofty goals of the 2030 Agenda for Sustainable Development, the Foreign Minister of Laos People’s Democratic Republic said at the United Nations General Assembly on Saturday.

Addressing world leaders at the Assembly’s general debate, Saleumxay Kommasith added that priority must be accorded to least developed and land-locked developing countries given their added vulnerabilities. There countries were also at an added disadvantage due to the impact of climate change, which hit them hard.
“Against this backdrop, it is more crucial than ever for world leaders to honour the commitments pledged in the Paris Agreement,” he said.
Mr. Kommasith also underlined the need to address the scourge of transnational crime, at all levels, noting his country’s commitment with regional countries at the Association of South East Asian Nations (ASEAN) and the wider international community in the fight against illicit drug, illegal wild life trade, trafficking in persons, among others.
He also highlighted the importance of peace and security for socio-economic progress in all nations.
“Past experiences have shown that settling disputes by peaceful means is the best way to ensure durable peace that is essential for sustainable development of a nation,” said the Minister.
As such, the international community must help build mutual trust and confidence among countries to support them overcome challenges between them and resolve disputes peacefully, he added.
Minister Kommasith also welcomed the thawing of relations in the Korean Peninsula and between the Democratic People’s Republic of Korea and the United States.
“We hope that such positive momentum will be strengthened, thereby, contributing to the maintenance of peace and stability, and denuclearization in the region as a whole.”
Concluding his address, the Minister urged the international community to uphold and further strengthen multilateralism.
“This remains one of the core values of our only universal organization, the United Nations,” he said.

ສາມາດອ່ານບົດຄວາມກ່າວປາໄສຂອງ ທ່ານ ລັດຖະມົນຕີວ່າການກະຊວງການຕ່າງປະເທດຢູ່ລິ້ງລຸ່ມນີ້
 (ເປັນພາສາອັງກິດ): https://gadebate.un.org/sites/default/files/gastatements/73/la_en.pdf  

                              

                               Cr photo: UN Photo/Cia Pak

Cr news: https://news.un.org/en/story/2018/09/1021752

ມະນຸດສາມປະເພດ

ຢູ່ໃນທຸກໆສັງຄົມລ້ວນແຕ່ມີຄົນຫຼາຍປະເພດທີ່ອາໄສຢູ່ຮ່ວມກັນເຊິ່ງແຕ່ລະຄົນກໍມີວາດຊົງການດຳລົງຊີວິດ, ແນວຄິດ ແລະ ອຸປະນິໄສທີ່ແຕກຕ່າງກັນໄປ. ແຕ່ອີງຕາມນັກຈິດຕະສາດແລ້ວເພິ່ນໄດ້ກ່າວວ່າ: ມະນຸດເຮົາແບ່ງອອກເປັນສາມປະເພດຕາມລຳດັບເຊັ່ນ: 

ມະນຸດປະເພດທີ່ 1 ແມ່ນມະນຸດຈຳພວກ ທີ່ຫຼີ້ນກິນ ແລະ ມ່ວນຊືນໄປແຕ່ລະມື້ແຕ່ລະວັນ ຊຳຊາຮອດມື້ຕາຍ

ມະນຸດປະເພດທີ່ 2  ແມ່ນຈຳພວກທີ່ອາໄລອາວອນ ແລະ ຍຶດຕິດຢູ່ກັບເລື່ອງລາວຜ່ານມາໃນອາດີດ

ມະນຸດປະເພດ   3  ແມ່ນຈຳພວກທີ່ເປັນຫ່ວງວ່າມື້ອື່ນຈະກິນຫຍັງ ຕົນຈະມີວຽກຫຍັງເຮັດ ໃນອະນາຄົດຈະເກີດຫຍັງ 
ຂື້ນກັບຕົວເອງ ແລະ ສັງຄົມປະຊາຊົນຈະມີກິນ ຫຼືວ່າອຶດຍາກໝາກແຄ້ນແນວໃດ. 

ເຊິ່ງຢູ່ໃນແຕ່ລະປະເພດມີຄວາມແຕກຕ່າງກັນດັ່ງລຸ່ມນີ້:

I.          ມະນຸດປະເພດທີ່ໜຶ່ງແມ່ນມະນຸດຈໍາພວກທີ່ຫລິ້ນກິນແລະມ່ວນຊື່ນໄປແຕ່ລະມື້ແຕ່ລະວັນຊໍາຊາຮອດມື້ຕາຍ

   ມະນຸດຈຳພວກຫລິ້ນກິນໄປວັນໆເປັນມະນຸດປະເພດທີ່ບໍ່ໄດ້ຄິດເຖິງອະນາຄົດຫລາຍປານໃດ, ຄິດພຽງແຕ່ໃນປັດຈຸບັນວ່າຕົນເອງສິໄປຫລິ້ນໄປທ່ຽວຢູ່ໃສເຊິ່ງມັນເປັນການໃຊ້ເງິນໂດຍບໍ່ມີເຫດຜົນ, ບໍ່ຈຳເປັນເພາະມັນເປັນການໃຊ້ພຽງແຕ່ຫລິ້ນກິນເພື່ອຄວາມມ່ວນຊື່ນໄປໃນແຕ່ລະມື້. ໃນການເຮັດວຽກຫລືຮຽນຂອງບຸກຄົນປະເພດນີ້ພຽງແຕ່ຮຽນຫລືເຮັດວຽກໄປແຕ່ລະມື້ໃຫ້ມັນແລ້ວໂດຍບໍ່ໄດ້ເອົາໃຈໃສ່ຕໍ່ໜ້າທີ່ທີ່ຕົນໄດ້ຮັບຜິດຊອບຢ່າງຈິງຈັງ, ເຖິງວ່າຈະມີຄົນທີ່ຄ່ອຍບອກກ່າວເຕືອນໃນສິ່ງທີ່ມະນຸດປະເພດນີ້ກະທຳມັນເປັນສິ່ງທີ່ບໍ່ດີ, ບໍ່ເໝາະສົມ, ບໍ່ຄວນເຮັດແຕ່ເຂົາເຈົ້າກໍບໍ່ໄດ້ຮັບຟັງຫລືປະຕິບັດຕາມ, ແມ່ນຢູ່ວ່າບາງຄັ້ງເຂົາເຈົ້າຮັບຟັງ-ປະຕິບັດຕາມຄຳຕັກເຕືອນຊຶ່ງມັນກໍໄດ້ແຕ່ຊ່ວງໄລຍະໃດໜຶ່ງຍ້ອນວ່າມັນບໍ່ສອດຄ່ອງກັບສິ່ງທີ່ພວກເຂົາຕ້ອງການເຊັ່ນ:ໄປຫລິ້ນໄປທ່ຽວ, ຈັດງານລ້ຽງ, ກິນເຫລົ້າກິນເບຍແບບໃຊ້ເງິນຢ່າງຟຸ່ມເຟືອຍເພື່ອຕອບສະໜອງຄວາມມ່ວນຊື່ນທີ່ເຮັດໃຫ້ເກີດມີຄວາມສຸກຄວາມພໍໃຈ.

    ຢູ່ໃນສັງຄົມເຮົາມະນຸດຫລືບຸກຄົນຈຳພວກນີ້ກໍມີຈຳນວນໜຶ່ງເຊິ່ງສັງເກດເຫັນໃນຊ່ວງທີ່ເປັນບຸກຄົນປະເພດທີ່ໜຶ່ງນີ້ສ່ວນຫລາຍແມ່ນໄລຍະທີ່ຍັງເປັນໄວລຸ້ນທີ່ຍັງບໍ່ໄດ້ຄຳນຶງເຖິງສິ່ງທີ່ຈະສົ່ງຜົນສະທ້ອນຕໍ່ຕົນເອງຢ່າງລະອຽດຮອບຄອບຖີ່ຖ້ວນເທື່ອເພາະຄິດພຽງແຕ່ວ່າເມື່ອເກີດມາແລ້ວຕ້ອງໃຊ້ຊີວິດຢ່າງຄຸ້ມຄ່າຢາກເຮັດຫຍັງກໍເຮັດຕາມຈຸດປະສົງເພື່ອນຳເອົາຄວາມສຸກຄວາມສະໜຸກມາໃຫ້ຕົນເອງ. ບຸກຄົນປະເພດນີ້ຖືເອົາໝູ່ເພື່ອນເປັນສິ່ງສຳຄັນກວ່າໝູ່ໝົດຍ້ອນພວກເຂົາໃຊ້ຊີວິດປະຈຳວັນສ່ວນຫລາຍຢູ່ກັບໝູ່, ເຮັດສິ່ງຕ່າງໆນຳໝູ່ແລະອື່ນໆອີກຫລາຍຢ່າງຖືເອົາໝ່ເປັນຫລັກ. ໃນຍາມຮຽນບຸກຄົນທີ່ປະພຶດຕົວແບບມະນຸດປະເພດນີ້ຈະເປັນບຸກຄົນທີ່ຄ່ອນຂ້າງບໍ່ເອົາຫົວຊາບໍ່ສົນໃຈເຊິ່ງມັນສະແດງອອກດ້ວຍຕົວຢ່າງເຊັ່ນ: ສ່ວນຫລາຍບຸກຄົນປະເພດນີ້ຈະບໍ່ເອົາໃຈໃສ່ຕໍ່ການຮຽນເທົ່າທີ່ຄວນ, ຖ້າມີໝູ່ທີ່ເປັນບຸກຄົນປະເພດດຽວກັນກໍຈະຈັບກຸ່ມສົນທະນາເລື່ອງທີ່ພວກເຂົາສົນໃຈເປັນຫລັກເຖິງວ່າໃນເວລານັ້ນເປັນເວລາທີ່ຄູອາຈານສິດສອນສົ່ງຄວາມຮູ້ໃຫ້ແລະນອກເໜືອຈາກນີ້ຍັງຖືເບົາຕໍ່ການມາໂຮງຮຽນຮຽນໜັງສືເຊິ່ງສະແດງໃຫ້ເຫັນຢູ່ບ່ອນວ່າ: ມັກມາໂຮງຮຽນຊ້າ, ບາງທີ່ມາໂຮງຮຽນກໍພາກັນໄປຈັບກຸ່ມສົນທະນາຢູ່ຕາມຮ້ານຄ້າທີ່ມີຢູ່ໃນໂຮງຮຽນຊ້ຳບໍ່ໜຳບາງຄັ້ງເຖິງຂັ້ນໂຕນໂຮງຮຽນໄປຫລິ້ນກິນເຫລົ້າກິນເບຍຕາມສະຖານທີ່ໃຫ້ຄວາມບັນເທິງຕ່າງໆໂດຍບໍ່ສົນໃຈວ່າຜົນການຮຽນຂອງຕົນເອງຈະເປັນແນວໃດ. ສ່ວນບຸກຄົນທີ່ຢູ່ໃນຊ່ວງໄວເຮັດວຽກຖ້າເປັນບຸກຄົນປະເພດທີ່ໜຶ່ງມັນກໍມີຜົນເສຍຫາຍຫລືຜົນສະທ້ອນຕໍ່ບຸກຄົນປະເພດນີ້ຫລາຍພໍສົມຄວນໂດຍທີ່ພວກເຂົາເອງຈະຮູ້ໂຕຫລືບໍ່ຮູ້ໂຕກໍຕາມ, ຈາກປະສົບການທີ່ເຫັນຢູ່ໃນສັງຄົມຂ້າພະເຈົ້າຈະຍົກຕົວຢ່າງມາໃຫ້ຜູ້ອ່ານຜູ້ຟັງໄດ້ຮູ້ໄດ້ຟັງເປັນສິ່ງທີ່ຈະອ້າງຂຶ້ນມາເພື່ອອະທິບາຍກ່ຽວກັບມະນຸດຫລືບຸກຄົນປະເພດນິີ້ໃຫ້ລະອຽດຕື່ມດັ່ງຈະເຫັນຕົວຢ່າງຈາກການເຮັດວຽກຂອງບຸກຄົນເຫລົ່ານີ້ເຊັ່ນ: ໃນຍາມທີ່ເຮັດວຽກຈະຄິດຫາແຕ່ໂມງເລີກວຽກ, ອີກຢ່າງໃນເວລາໄດ້ຮັບໜ້າທີ່ໃຫ້ເຮັດປະຕິບັດກໍຈະບໍ່ຄ່ອຍເອົາໃຈໃສ່ພຽງແຕ່ເຮັດໄປຕາມໜ້າທີ່ໃຫ້ມັນແລ້ວໆໄປ, ຖ້າຖືກຕຳໜິກໍ່ເກີດຄວາມບໍ່ພໍໃຈຍ້ອນຄິດວ່າຕົນເອງເຮັດວຽກທີ່ໄດ້ຮັບມອບໝາຍສຳເລັດແລ້ວ, ແຕ່ທີ່ຈິງແລ້ວໃນການເຮັດວຽກຂອງຕົນເອງຍັງບໍ່ໄດ້ດີເນື່ອງຈາກຮີບເຮັດຮີບແລ້ວໂດຍບໍ່ສົນໃຈວ່າວຽກນັ້ນຈະຖືກຕາມທີ່ໄດ້ຮັບມອບໝາຍຫລືບໍ່, ຖ້າມີເທດສະການງານບຸນຕ່າງໆທີ່ກຳນົດມື້ພັກໃຫ້ເຊັ່ນ: ກຳນົດໃຫ້ພັກ 3 ມື້ແຕ່ບຸກຄົນປະເພດນີ້ຈະພັກເກີນກຳນົດໂດຍຈະມີຂໍ້ອ້າງຕ່າງໆນາໆເພື່ອຈະນຳມາເປັນເຫດຜົນທີ່ຕົນເອງພັກເກີນກຳນົດ. ນອກຈາກນີ້ເມື່ອບຸກຄົນປະເພດນີ້ຮູ້ສຶກວ່າຕົນເອງໃຊ້ເງິນຫລາຍເກີນໄປໂດຍໄຮ້ປະໂຫຍດກໍຈະບອກຄົນອື່ນວ່າ: ຕົນເອງຈະເຊົາບໍ່ປະພຶດຄືເກົ່າອີກ, ຈະຕັ້ງໃຈຫາເງິນເຮັດວຽກແຕ່ສິ່ງທີ່ບຸກຄົນເຫລົ່ານີ້ເວົ້າມັນກໍເປັນພຽງຄວາມຄິດ, ເວົ້າໄດ້ແຕ່ປະພຶດຍາກເພາະບຸກຄົນເຫລົ່ານີ້ຍັງຕິດນິໄສປະຕິບັດພຶດຕິກຳແບບເກົ່າໆຢູ່. ດັ່ງນັ້ນໃນຄວາມເຫັນຂອງຂ້າພະເຈົ້າເຫັນວ່າການທີ່ປະພຶດຕົນເອງໃຫ້ເປັນດັ່ງເຊັ່ນບຸກຄົນປະເພດນີ້ຈະເຮັດໃຫ້ກາຍເປັນບຸກຄົນທີ່ຄົນອື່ນຂາດຄວາມໄວ້ເນື້ອເຊື່ອໃຈ, ບໍ່ມີຄວາມເຊື່ອໝັ້ນທີ່ຈະມອບໝາຍໜ້າທີ່ຮັບຜິດຊອບໃຫ້ປະຕິບັດເພາະເປັນຄົນບໍ່ຈິງໃຈທີ່ຈະເຮັດວຽກ. ໃນແຕ່ລະມື້ແຕ່ລະວັນສຳລັບບຸກຄົນເຫລົ່ານີ້ຖ້າຢູ່ໃນໄວຮຽນກໍພຽງແຕ່ໄປໂຮງຮຽນເພື່ອຄວາມມ່ວນຊື່ນ, ຂໍເງິນພໍ່ແມ່ມາໃຊ້ຈ່າຍຢ່າງບໍ່ເປັນປະໂຫຍດໂດຍບໍ່ຄິດເຖິງພໍ່ແມ່ເຊັ່ນ:ໃນກໍລະນີທີ່ພໍ່ແມ່ສົ່ງລູກໄປຮຽນຢູ່ໂຮງຮຽນທີ່ດີໂດຍຫວັງຢາກໃຫ້ລູກມີອະນາຄົດທີ່ດີເພື່ອທີ່ຈະມາເບິ່ງແຍງພໍ່ແມ່ຕອນແກ່ເຖົ້າແຕ່ຊ້ຳພັດຜູ້ເປັນລູກເປັນຄົນທີ່ຕິດຫລິ້ນມີແຕ່ຜານເງິນພໍ່ແມ່ໄປໃນແຕ່ລະມື້. ເມື່ອກ້າວມາເຖິງໄວທີ່ຈະເຮັດວຽກກໍເປັນບຸກຄົນທີ່ຄິດຢາກໄດ້ແຕ່ພຽງເງິນເດືອນໄປທ່ຽວຫລິ້ນ, ບໍ່ຢາກເຮັດວຽກທີ່ຫລາຍເກີນໄປມີລັກສະນະກຽດຄ້ານບໍ່ມີຄວາມກະຕືລືລົ້ນໃນການເຮັດວຽກ.
    ເມື່ອເບິ່ງແບບສັງລວມແລ້ວມະນຸດປະເພດທີ່ໜຶ່ງເປັນປະເພດທີ່ບໍ່ຄ່ອຍຫົວຊາ, ຄິດຫຍັງຫລາຍເກີນໄປ, ມີຄວາມສຸກພໍໃຈກັບສິ່ງທີ່ໄດ້ເຮັດ, ບໍ່ສົນໃຈວ່າສິ່ງຕ່າງໆຢູ່ອ້ອມໂຕຈະເປັນແນວໃດ.

II.ມະນຸດປະເພດສອງແມ່ນມະນຸດຈຳພວກອາໄລອາວອນ ແລະ ຍຶດຕິດກັບເລື່ອງລາວທີ່ຜ່ານມາໃນອະດີດ.

   ບຸກຄົນຈຳພວກນີ້ແມ່ນບຸກຄົນທີ່ມີອາການຊື່ມເສົ້າ, ເຊີຍຊາ, ເປັນຄົນບໍ່ມັກປາກມັກເວົ້າກັບໃຜບາງຄັ້ງອອກອາການບໍ່ພໍໃຈໃຫ້ຕົວເອງ ແລ້ວເຮັດສິ່ງທີ່ປະຊົດຕົວເອງ ( ເຮັດໃນສິ່ງທີ່ຕົວເອງບໍ່ຢາກເຮັດ ຫຼື ສິ່ງທີ່ເຄີຍເຮັດໃນອະດີດ ) ຄົນຈຳພວກນີ້ແມ່ນໃຊ້ເວລາສ່ວນຫຼາຍຢູ່ກັບການຄິດໃນສິ່ງບໍ່ເກີດປະໂຫຍດໃຫ້ແກ່ຕົວເອງ ເພາະວ່າບໍ່ໄດ້ຄິດເຖິງປະຈຸບັນ ແລະ ອານະຄົດວ່າຊິເຮັດຫຍັງ, ມີແຕ່ຢູ່ພໍແລ້ວມື້ແລ້ວວັນໄປຊື່ໆ ບໍ່ເຄີຍພັດທະນາຕົວເອງ ແລະ ສ້າງສາຍສຳພັນກັບໝູ່ເພື່ອນ, ບໍ່ຢາກຕັດສິນໃຈເຮັດໃນສິ່ງທີ່ຕົວເອງມັກຍ້ອນຄິດວ່າມັນຈະບໍ່ສຳເລັດຄືທີ່ຜ່ານມາໃນອະດີດ ມີແຕ່ຄິດຢ່າງດຽວຄືບໍ່ຢາກເຮັດອີກແລ້ວ, ມັນຈະມີອີກເທຶ່ອທີ່ຈະບໍ່ປະສົບຜົນສຳເລັດ ຕົວຢ່າງ: ຖ້າເຮົາເຮັດທຸລະກິດທີ່ເຮົາລົງທືນສ້າງໂດຍຄວາມສາມາດມາ ທັງແຮງກາຍ ທັງແຮງໃຈ ເປັນເວລາຫຼາຍປີແຕ່ບໍ່ໄດ້ຮັບຄວາມສຳເລັດເຮັດໃຫ້ທຸລະກິດລົ້ມເຫຼວ ແນ່ນອນເຮົາຕ້ອງເສຍໃຈຫຼາຍເພາະວ່າມັນບໍ່ປະສົບຜົນສຳເລັດ ຄັນຖ້າເຮົາເລີ່ມຕົ້ນໃຫມ່ກໍໄດ້ ແຕ່ວ່າບຸກຄົນຈຳພວກທີ່ຍຶດຕິດກັບອະດີດແມ່ນຈະບໍ່ມີວັນທີ່ຈະຄິດເລີ່ມຕົ້ນເລີຍເພາະຄິດພຽງແຕ່ວ່າພົບກັບຄວາມລົ້ມເລວ ດັ່ງນັ້ນຄົນຈຳພວກນີ້ຈຶ່ງມີແຕ່ຄິດເຖິງອະດີດພວກນັ້ນ.
   ຄົງຈະບໍ່ມີໃຜທີ່ອາໃສຢູ່ໃນສັັງຄົມທີ່ປາສະຈາກອາດີດເລື່ອງລາວທີ່ຜ່ານມາໄດ້ແມ່ນບໍ? ເພາະວ່າທຸກໆຄົນລ້ວນແລ້ວແຕ່ມີການດຳລົງຊີວິດຢູ່ໃນສະຖານທີທີ່ແຕກຕ່າງກັນ, ມີໜ້າທີ່ວຽກງານແຕກຕ່າງກັນ ແລະ ຖານະທາງດ້ານສັງຄົມບໍ່ຄືກັນ ເຊື່ອໄດ້ເລີຍວ່າບຸກຄົນທີ່ຍຶດຕິດກັບອະດີດ ບໍ່ໄດ້ຈຳແນກຊົນຊັ້ນວັນນະເພາະວ່າມັນຂຶ້ນກັບຈິດໃຈຂອງແຕ່ລະບຸກຄົນທີ່ຈະຕັດສິນໃຈລືມ ຫຼື ຈື່ຈຳອະດີດທີ່ບໍ່ດີ ແລະ ອະດີດທີ່ດີິໄດ້ ສະນັ້ນບຸກຄົນທີ່ຍຶດຕິດກັບອະດີດສ່ວນຫຼາຍອາດຈະແມ່ນບຸກຄົນທີ່ໃຈອ່ອນແອມັນຍາກທີ່ຈະລືມເລື່ອງລາວໄດ້ເຊິ່ງຄົນສ່ວນຫຼາຍມັກຍຶດຕິດກໍອາດຈະແມ່ນເລື່ອງຂອງຄວາມຮັກລະຫວ່າງບ່າວ-ສາວ ທີ່ພົບກັບຄວາມຜິດຫວັງ (Broken Heart ) ບາງຄົນຈົນກິນບໍ່ໄດ້ນອນບໍ່ຫລັບ, ຈະເປັນຈະຕາຍເພາະຄິດວ່ານອກເໜືອຈາກຄົນທີ່ຕົນເອງຮັກຈະບໍ່ມີໃຜອີກແລ້ວເຮັດໃຫ້ຄິດແຕ່ເລື່ອງນັ້ນຢູ່ຕະຫຼອດເວລາ.
   ຄັນຖ້າຈະເວົ້າອີກແງ່ມູມໜຶ່ງກຽ່ວກັບບຸກຄົນທີ່ຍຶດຕິດກັບອະດີດນີ້ ເລື່ອງລາວໃນອະດີດທີ່ດີກໍມີຫຼາຍຄື: ຄວາມຮັກຄວາມເຂົ້າໃຈ ລະຫວ່າງໝູ່ເພື່ອນໃນສະໄຫມເປັນເດັກນ້ອຍ, ຕອນຮຽນນຳກັນຢູ່ມັດທະຍົມທີ່ເຄີຍຫຼີ້ນນຳກັນ ແລະ  ມີອີກອັນໜຶ່ງກໍ່ຄືການຊ່ວຍເຫຼືອກັນດ້ານການຮຽນ. ດັ່ງນັ້ນຢາກໃຫ້ຮູ້ອີກວ່າບຸກຄົນທີ່ຍຶດຕິດກັບອະດີດກໍອາດຈະມີເລື່ອງທີ່ດີສາມາດນຳເອົາມາເປັນການພັດທະນາຕົວເອງ ນັ້ນກໍແມ່ນການນຳເອົາສິ່ງທີີ່ເກີດຂື້ນໃນອະດີດມາໃຊ້ໃຫ້ເປັນປະໂຫຍດ..
   ຈາກການອະທິບາຍມາຂ້າງເທິິງນີ້ເຫັນວ່າ ມະນຸດຈໍາພວກທີ່ສອງນີ້ເປັນປະເພດບຸກຄົນທີ່ຈົມປັກຍຶດຕິດກັບອະດີດຫຼາຍເກີນໄປຈົນບໍ່ສົນໃຈວ່າປັດຈຸບັນ ຫຼື ອະນາຄົດຈະເກີດຫຍັງຂື້ນເໝືອນກັບວ່າໂລກໝຸນອ້ອມຕົວເຮົາແຕ່ເຮົາບໍ່ໝຸນຕາມໂລກເລີຍ.  ສະນັ້ນອາດຈະເວົ້າໄດ້ວ່າການຍຶດຕິດກັບອະດີດນັ້ນຄ່ອນຂ້າງຈະບໍ່ດີປານໃດ ມັນອາດຈະເປັນໄປໄດ້ບໍ? ຖ້າວ່າເຮົາຢູ່ກັບປັດຈຸບັນເຮັດປັດຈຸບັນໃຫ້ດີທີ່ສຸດເພື່ອອະນາຄົດຂອງຕົນເອງ ສິ່ງໃດທີ່ຜິດພາດໃນອະດີດກໍໃຫ້ເປັນປະສົບການຂອງຊີວິດເພື່ອພັດທະນາຕົວເອງໃຫ້ດີກວ່າເກົ່າ...

III. ຈຳພວກທີ່ເປັນຫ່ວງວ່າມື້ອື່ນຈະກິນຫຍັງຕົນຈະມີວຽກຫຍັງເຮັດໃນອະນາຄົດຈະເກີດຫຍັງຂຶ້ນກັບຕົນ ເອງ ແລະ ສັງຄົມ ປະຊາຊົນຈະມີກິນ ຫຼື ວ່າອຶດຢາກໝາກແຄ້ນແນວໃດ.

        ມະນຸດປະເພດທີ່ສາມນີ້ແມ່ນບຸກຄົນທີ່ຄຳນຶງເຖິງອະນາຄົດຂອງຕົນຢູ່ຕະຫຼອດເວລາຫຼາຍກວ່າອະດີດ.ພວກເຂົາບໍ່ໄດ້ຄິດເຖິງອະດີດທີ່ເຄີຍຜ່ານມາວ່າມື້ວານເຮົາກິນຫຍັງ? ຊີວິດເຮົາເປັນແນວໃດ ? ເຮົາພຽງພໍແລ້ວບໍກັບຊີວິດການເປັນຢູ່ຂອງຕົນ?ແຕ່ຕ້ອງບອກໄປເລີຍວ່າຄົນປະເພດນີ້ຈະບໍ່ມີຄຳວ່າພຽງພໍເພາະຄຳວ່າພຽງພໍກໍປຽບສະເໝືອນສິ່ງທີ່ເຮົາພໍໃຈໂດຍບໍ່ຕ້ອງການສິ່ງໃດມາປຽບແທນແນ່ນອນຖ້າວ່າຄິດແບບນີ້ແລ້ວບໍ່ມີທາງທີ່ຈະພັດທະນະຕົນເອງໄດ້ເລີຍເຊັ່ນ:ການສຶກສາຖ້າວ່າມື້ໃດເຮົາຄິດວ່າຕົນເອງສະຫຼາດມື້ນັ້ນເຮົາຈະກາຍເປັນໂງ່ໂດຍບໍ່ຮູ້ໂຕ ໝາຍຄວາມວ່າບຸກຄົນປະເພດນີ້ຄິດວ່າຄວາມຮູ້ຂອງຕົນພຽງພໍແລ້ວຈຶ່ງບໍ່ເປີດໃຈຍອມຮັບຄວາມຄິດຄວາມເຫັນຂອງຄົນອື່ນໂດຍບໍ່ພັດທະນາຕົນເລີຍກໍຈະເຮັດໃຫ້ຄົນອື່ນນຳໜ້າເຮົາກ້າວໜຶ່ງ,ຄົນຈຳພວກນີ້ສ່ວນຫຼາຍມີລັກສະນະເປັນຄົນເຈົ້າຄວາມຄິດ,ຂີ້ລະແວງ,ຂີ້ສົງໄສ,ມັກວິຕົກກັງວົນ,ມັກສັງເກດສິ່ງອ້ອມຂ້າງ,ລັງເລຢູ່ຕະຫຼອດເວລາແຕ່ຄົນຈຳພວກນີ້ຮູ້ຈັກເອົາອະດີດທີ່ເຄີຍຜິດພາດມາເປັນບົດຮຽນເພື່ອປັບປຸງແກ້ໄຂໃຫ້ປັດຈຸບັນ ຫຼື ອະນາຄົດໃຫ້ດີຂຶ້ນກວ່າເກົ່າສັງເກດໄດ້ຈາກ:ນັກທົດລອງ,ນັກວິທະຍາສາດ ຫຼື ນັກການເມືອງຕ່າງໆ...

 

ຂຽນ​ໂດຍ: ນັກ​ສຶກ​ສາ​ປີ 1 , ພາກວິຊາ ລັດຖະສາດ,ຄະນະນິຕິສາດ ແລະ ລັດຖະສາດ,ມຊ

                ​ ສົກປີ 2012

            1. ສນ.ບຸນຮອງ ຈັນຕຸລາ

            2. ນ.ມາລິສາ ຂຸນທະວົງ

            3. ທ.ນົງຄານ ຈັນທະລັກ

            4. ທ.ວິລະວົງ ສຸນດາລາ

ວັນທີ່ຈົບການສຶກສາບໍ່ແມ່ນຈຸດສິ້ນສຸດ,ແຕ່ເປັນຈຸດທີ່ກຳລັງເລີ່ມຕົ້ນຂື້ນ

ບາງຄົນ,ບາງກຸ່ມ ແລະ ບາງຜູ້ປົກຄອງອາດຄິດວ່າ: ເມື່ອລູກ ຫລື ຕົນເອງຮຽນຈົບແລ້ວ, ກໍບໍ່ຈຳເປັນຕ້ອງຮຽນ ແລະ ກະບໍ່ຕ້ອງສຶກສາຮຳຮຽນຫຍັງຕໍ່ເຕີ່ມອີກແລ້ວ.

ໃນທົ່ວໂລກນີ້ມີປະຊາກອນປະມານ 7 ພັນລ້ານຄົນ, ຂ້ອຍກໍ່ແມ່ນ1ໃນ7ພັນລ້ານຄົນ. ຂ້ອຍເຊື່ອວ່າທຸກຄົນມີເປົ້າຫມາຍຊີວິດ ແລະ ຄວາມຝັນ. ເປົ້າໝາຍ ແລະ ຄວາມຝັນນັ້ນກໍຄື: ຕ້ອງການຮຽນຈົບ,ເຮັດວຽກຕາມອົງກອນຕ່າງໆທັງລັດ ແລະ ເອກະຊົນ ຫລື ເຮັດທຸລະກິດເປັນຂອງຕົນເອງ ເພື່ອດຳລົງຊີວິດຢູ່ໃນໂລກໃບນີ້ ແລະ ເພື່ອໃຫ້ຊີວິດຕົນເອງດີຂື້ນເລື່ອຍໆ.

ດັ່ງທີ່ພວກເຮົາຮູ້ກັນແລ້ວວ່າ: ການທີ່ຈົບການສຶກສາ,ມັນຄືສັນຍາລັກທາງປະເພນີຂອງການສິ້ນສຸດການຮຽນຮູ້, ແຕ່ຫລັງຈາກງານສະຫລອງໃບປະກາດຈົບ ແລະ ຊີວິດຈິງຂອງເຈົ້າກໍໄດ້ເລີ່ມຕົ້ນຂື້ນແລ້ວ.ໃນເມື່ອຫລັງຈາກທີ່ເຈົ້າຈົບການສຶກສາແລ້ວ,ຖ້າຫາກເຈົ້າບໍ່ສືບຕໍ່ສຶກສາຫາຄວາມຮູ້ ຫລື ສືບຕໍ່ພັດທະນາຕົນເອງນັ້ນຄື ເຈົ້າກຳລັງຢຸດຄວາມກ້າວຫນ້າໃນອາຊີບການງານຂອງເຈົ້າເອງໂດຍປະລິນຍາຍ.ໃນການທີ່ເຈົ້າໄດ້ໄປເຖິງຄວາມຝັນຂອງເຈົ້າເປັນທີ່ຮຽບຮ້ອຍແລ້ວນັ້ນ,ການສຶກສານີ້ແລະຄືອົງປະກອບຄວາມສຳຄັນໃນການເດີນທາງສູ່ຄວາມສຳເລັດໃນຊີວິດຂອງເຈົ້າ, ບໍ່ວ່າເຈົ້າຢາກຈະຝັນເປັນຫຍັງ? ຖ້າຫາກເຈົ້າທຸມເທເວລາໃຫ້ກັບມັນ,ສຶກສາຫາຄວາມຮູ້ກ່ຽວກັບມັນແລ້ວ, ສິ່ງໆນັ້ນຈະນຳພາເຈົ້າໄປສູ່ຄວາມສຳເລັດໄດ້ຢ່າງແນ່ນອນ,ພ້ອມກັນນັ້ນໂອກາດອື່ນໆກໍຈະເປີດໃຫ້ກັບຕົວເຈົ້າເອງຫລາຍຂື້ນຫລາຍຂື້ນ.ດັ່ງນັ້ນ,ເຈົ້າຢ່າຍ່ອມຈຳນົນ ຫລື ຢຸດ ຕໍ່ການສຶກສາຮຳຮຽນ. ເຈົ້າຕ້ອງເຮັດໃຫ້ໂລກແຫ່ງຄວາມເປັນຈິງຂອງເຈົ້າໃຫ້ກ່າຍເປັນມະຫາວິທະຍາໄລຊີວິດຂອງເຈົ້າເອງ,ເປັນຫ້ອງຮຽນຮູ້ຂອງເຈົ້າ,ເປັນອາຈານສອນຂອງເຈົ້າ. ສັດຕູເລກຫນຶ່ງຂອງຄົນເຮົາທຸກມື້ນີ້ກໍຄື  
“ຂໍ້ອ້າງ “

ຂໍ້ອ້າງກໍຄື: ຂ້ອຍບໍ່ຮູ້ວ່າຈະໄປຫາຄວາມຮູ້ຢູ່ໃສດີ? ຂ້ອຍບໍ່ຮູ້ວ່າຈະເຮັດຫຍັງດີ ແລະ ຂ້ອຍກະບໍ່ຮູ້ຈັກໃຜເລີຍທີ່ປະສົບຄວາມສຳເລັດ , ຂ້ອຍຮຽນຈົບແລ້ວ,ຂ້ອຍມີວຽກເຮັດງານທຳແລ້ວ,ພໍ່ແມ່ຂ້ອຍມີທຸລະກິດໃຫ້ເຮັດແລ້ວ. ຂໍ້ອ້າງນີ້ແລະ ຄືສັດຕູເລກຫນຶ່ງຂອງຄວາມກ້າວຫນ້າໃນຊີວິດຂອງເຈົ້າ. ເຈົ້າຕອ້ງຈືໄວ້ໂລດວ່າ: ຢູ່ໃນໂລກໃບນີ້ບໍ່ມີໃຜທີ່ຈະມາບອກ,ບັງຄັບເຈົ້າໃຫ້ເຮັດນີ້ເຮັດນັ້ນ ຫລື ມາຈັບມືເຈົ້າພາເຈົ້າເຮັດນີ້ເຮັດນັ້ນເພື່ອໃຫ້ເຈົ້າປະສົບຄວາມສຳເລັດ. ເມື່ອເປັນແນວນີ້,ໃຫ້ຄິດຫາຕົນເອງໂລດວ່າ: ເຈົ້າເປັນໃຜ ໃນໂລກແຫ່ງຄວາມເປັນຈິງແລ້ວ, ເຈົ້າຕ້ອງເປັນຄົນສອນຕົນເອງ,ຕ້ອງເປັນມະຫາວິທະຍາໄລຊີວິດຂອງເຈົ້າເອງ,ເປັນຫ້ອງຮຽນສຳລັບຕົນເອງ,ເປັນອາຈານຂອງຕົນເອງ, ເຈົ້າຕ້ອງຮຽນດ້ວຍຕົນເອງ,ເຈົ້າຕ້ອງນຳຕົນເອງ,ເຈົ້າຕ້ອງບັງຄັບຕົນເອງ,ເຈົ້າຕ້ອງຂັບຕົນເອງໄປຄືກັບລົດ,ເຈົ້າຕ້ອງຍ່າງດ້ວຍຕົນເອງໄປທາງຫນ້າ ເພື່ອໄປຫາຄວາມສຸກ,ຄວາມສຳເລັດທີ່ເຈົ້າຕ້ອງການປາດຖະຫນາທີ່ຢາກຈະເປັນ.ດັ່ງນັ້ນ ບໍ່ຄວນຫາຂໍ້ອ້າງເລີຍວ່າ: ຂ້ອຍບໍ່ຮູ້ ແລະ ຂ້ອຍຄວນຈະເຮັດແນວໃດດີ? ປະໂຫຍກທີ່ວ່າ: ຂ້ອຍບໍ່ຮູ້ນີ້ແລະ ມັນຄື ຂໍ້ອ້າງເບີ 1 ຂອງໂລກ. ເຈົ້າຮູ້ບໍ່ວ່າເປັນຫຍັງ?ເຈົ້າຄືບໍ່ຮູ້, ເພາະເຈົ້າບໍ່ເຄີຍສອນຕົນເອງເລີຍວ່າຄວນເຮັດແນວໃດດີ. ເຈົ້າບໍ່ເຄີຍເລີຍ ກະທັງທີ່ຢາກຈະຮູ້ມັນດ້ວຍຊຳ ເພາະຫຍັງ? ເພາະມັນງ່າຍກວ່າທີ່ເຈົ້າຈະປະຕິເສດມັນ ແລະ ຍ່ອມແພ້ວ່າຂ້ອຍບໍ່ເຮັດອີກແລ້ວ.ປະໂຫຍກທີ່ວ່າ: ຂ້ອຍບໍ່ເຮັດແລ້ວນີ້ແລະ ມັນງ່າຍກວ່າ. ວ່າຄືຂ້ອຍບໍ່??

 ສິ່ງທີ່ຂ້ອຍຢາກຈະແນະນຳໃຫ້ເຈົ້າພັດທະນາກໍຄື: ການອັບເກດຕົນເອງ,ມັນກໍຄືການຫລີ້ນເກມ,ຂ້ອຍຄິດວ່າທຸກໆຄົນອາດຈະເຄີຍຫລີ້ນເກມ,ກະທັງຕອນນີ້ ການຫຼີ້ນເກມກໍຍັງເປັນທີ່ນິຍົມຢູ່.ສະນັ້ນໃຫ້ຄິດຄືກັບການຫຼີ້ນເກມ,ເມື່ອແອບເກມຢູ່ໃນໂທລະສັບ ຫລື ຄອມພິວເຕີຂອງເຈົ້າຊ້າ ຫລື ຫລີ້ນບໍ່ໄດ້.ເຈົ້າກໍຈະຊອກຫາວິທີທາງເພື່ອໃຫ້ໄດ້ຫລີ້ນເກມນັ້ນ.ສິ່ງທຳອິດທີ່ເຈົ້າຈະຕ້ອງເຮັດກໍຄື ຕ້ອງອັບເກດແອບເກມນັ້ນ ຫລື ເອົາເວີເຊີ້ນໂຕໃຫມ່ທີ່ມັນດີກວ່າເພື່ອຈະໃຫ້ເຈົ້າໄດ້ຫລີ້ນມັນອີກຄັ້ງພ້ອມທັງເຮັດໃຫ້ການຫລີ້ນເກມຂອງເຈົ້າໄວ້ຂື້ນກວ່າເກົ່າ. ສະນັ້ນໃນເມື່ອ ເຈົ້າຢາກຈະໄປສູ່ຄວາມສຳເລັດ,ຢາກຈະໃຫ້ຊີວິດຕົນເອງດີຂື້ນ ແລະ ຮູ້ໂລກຫລາຍຂື້ນ,ເຈົ້າກໍຕ້ອງອັບເກດຕົນເອງຄືກັບການອັບເກດແອບເກມເຊັ່ນກັນ. ເຈົ້າຕ້ອງພັດທະນາ ແລະ ອັບເກດຕົນເອງໄປເລື່ອຍໆຈົນບໍ່ໃຫ້ມີມື້ສິ້ນສຸດ. ໃນຍຸກປັດຈຸບັນນີ້ເປັນຍຸກແຫ່ງຂໍ້ມູນຂ່າວສານ,ເປັນຍຸກໄຮ້ພົມແດນ ທຸກໆປະເທດສາມາດເຊື່ອມຕໍ່ກັນ,ໄປມາຫາສູ່ກັນໄດ້ ແລະ ສາມາດສືສານເຊິງກັນແລະ ກັນໄດ້ໃນທຸກໆດ້ານເຊັ່ນວ່າ: ດ້ານເສດຖະກິດ,ການເມືອງ ແລະ ວັດທະນາທຳ-ສັງຄົມ. ເຈົ້າສາມາດຊອກຫາຄວາມຮູ້ໄດ້ຫລາຍຂື້ນ ແລະ ຫລາຍວິທີທາງ. ໂອກາດຫລາຍ ແລະ ມັນງ່າຍຫຼາຍ ເພາະວ່າ ປັດຈຸບັນນີ້ ພວກເຮົາມີ ຫ້ອງສະມຸດສຳລັບອ່ານ,ມີປື້ມ, ມີຫນັງສື ແລະ ອິນເຕີເນັດທີ່ສາມາດເຂົ້າໄດ້ທຸກເວລາ. ເຈົ້າສາມາດຊອກຫາມັນໄດ້ຢູ່ພຽງປາຍນິ້ວມືຂອງເຈົ້າເອງ.ເຈົ້າສາມາດຄົ້ນຫາຫຍັງກໍໄດ້ທີ່ເຈົ້າຕ້ອງການຢາກຈະເຮັດ, ສິ່ງທີ່ເຈົ້າຢາກຈະເປັນ, ສິ່ງທີ່ເຈົ້າຢາກຈະຮູ້ຢາກຈະເຫັນ ແລະ ສິ່ງທີ່ເຈົ້າມີຄວາມສົນໃຈ. ເມື່ອເຈົ້າສຶກສາຫາຄວາມຮູ້ໄປເລື່ອຍໆໃນດ້ານທີ່ເຈົ້າມີຄວາມສົນໃຈ,ເຈົ້າຍິ່ງຈະເພີ່ມພູນຄວາມຮູ້ນັ້ນຂື້ນໄປເລື່ອຍໆ, ລະແລ້ວເຈົ້າກໍຈະກ່າຍເປັນຜູ້ຊ່ຽວຊານ,ເກັ່ງຂື້ນໃນສາຍນັ້ນ ແລະ ສາຂານັ້ນໆ.ສິ່ງສຳຄັນເມື່ອເຈົ້າໄດ້ຮັບຄວາມຮູ້ມາ ແລະ ສຶກສາມັນແລ້ວ. ເຈົ້າກໍຕ້ອງນຳເອົາຄວາມຮູ້ນັ້ນມາປັບໃຊ້ໃນຊີວິດປະຈຳວັນ ແລະ ຊີວິດຕົວຈິງຂອງເຈົ້າເອງ. ສະນັ້ນ ຂ້ອຍຢາກໃຫ້ເຈົ້າລອງເຮັດ, ລອງປະຕິບັດເບິ່ງ. "ການລົງທຶນທີ່ໃຫ້ຜົນຕອບແທນຫລາຍທີ່ສຸດ ກໍຄືການລົງທຶນກ່ຽວກັບຄວາມຮູ້ ແລະ ການລົງທຶນເພື່ອໃຫ້ຕົນເອງ"

ເນື້ອໃນປື້ມປົກຂາວເລື້ອງຄວາມເປັນຈິງກ່ຽວກັບຄວາມຂັດແຍ້ງກັນດ້ານເສດຖະກິດການຄ້າລະຫວ່າງຈີນ-ອາເມລິກາ ແລະ ຫລັກຫມັ້ນຂອງຈີນ

ເລື້ອງຄວາມເປັນຈິງກ່ຽວກັບຄວາມຂັດແຍ້ງກັນດ້ານເສດຖະກິດການຄ້າລະຫວ່າງຈີນ-ອາເມລິກາ ແລະຫລັກຫມັ້ນຂອງຈີນ ໄດ້ວິເຄາະທາດແທ້ຂອງການຮ່ວມມືດ້ານເສດຖະກິດການຄ້າລະຫວ່າງຈີນ-ອາເມລິກາທີ່ຕ່າງ ຝ່າຍຕ່າງໄດ້ຮັບຜົນປະໂຫຍດ, ໃຫ້ຄວາມກະຈ່າງແຈ້ງຕໍ່ການກ່າວຫາຈີນທີ່ບໍ່ຖືກກັບເລື້ອງຈິງຂອງອາເມລິກາໃນບົດລາຍ ງານສຳຫລວດ 301 ແລະໄດ້ບັນຍາຍນະໂຍບາຍແລະຫລັກຫມັ້ນຂອງຈີນຕໍ່ຄວາມຂັດແຍ້ງກັນດ້ານເສດຖະກິດການຄ້າ ລະຫວ່າງສອງຝ່າຍ.
　
ປື້ມປົກຂາວສະບັບນີ້ມີທັງຫມົດ 36 ພັນໂຕຫນງສືຈີນ, ໄດ້ນຳເອົາຂໍ້ມູນຕົວເລກ, ຕົວຢ່າງ, ຕາຕະລາງເປັນຈຳນວນ ຫລວງຫລາຍ ເຊິ່ງໃນນັ້ນ ສ່ວນຫລາຍແມ່ນມາຈາກພາກສາວນລັດຖະບານ ບໍລິສັດຂ້າມຊາດ ບົດຄົ້ນຄວ້າຂອງອົງ ການຄົ້ນຄວ້າແລະວິຊາການທີ່ມີຊື່ສຽງໃນທົ່ວໂລກ ຖືວ່າມີຫລັກຖານຢ່າງພຽງພໍທີ່ສຸດ. ຈາກປື້ມປົກຂາວສະບັບນີ້ ຈະເຮັດໃຫ້ຄົນທັງຫລາຍໄດ້ເຫັນຄວາມໃຫ້ສຳຄັນຂອງຈີນທີ່ມີຕໍ່ຄວາມຂັດແຍ້ງດ້ານເສດຖະກິດການຄ້າແລະທ່າທີຂອງຈີນທີ່ເຮັດແທ້ທຳຈິງ, ກໍ່ຄືຄວາມພະຍາຍາມຢ່າງບໍ່ລົດລະຂອງຈີນເພື່ອປົກປັກຮັກສາຜົນປະໂຫຍດຮ່ວມກັນລະຫວ່າງ ຈີນ-ອາເມລິກາ ແລະລະບຽບການຄ້າທົ່ວໂລກ.
　　
ປື້ມປົກຂາວສະບັບນີ້ປະກອບດ້ວຍຄຳນຳ ແລະເນື້ອໃນທາງການ 6 ພາກສ່ວນ ອັນໄດ້ບັນຍາຍຂໍ້ມູນສາມດ້ານຄືດັ່ງນີ້:
 ກ່ອນອື່ນ ໄດ້ໃຫ້ຄວາມກະຈ່າງແຈ້ງຕໍ່ເລື້ອງຄວາມເປັນຈິງຂອງການພົວພັນດ້ານເສດຖະກິດການຄ້າຈີນ－ອາມເລິກາ, ວິເຄາະການກະທຳຂອງອາເມລິກາທີ່ເປັນລັດທິປົກປ້ອງການກຄ້າແລະລັດທິເຈົ້າອຳນາດກໍ່ຄືຜົນຮ້າຍທີ່ຈະເກີດຂຶ້ນ.
ອາເມລິກາກໍ່ການຂັດແຍ້ງກັບຈີນດ້ານການຄ້າ, ຂໍ້ອ້າງທີ່ສຳຄັນອັນໜຶ່ງກໍ່ຄື ໃນການຮ່ວມມືດ້ານການເສດຖະກິດການ ຄ້າລະຫວ່າງຈີນ－ອາເມລິກາ, ຈີນໄດ້ປຽບ ແຕ່ອາເມລິກາເສຍປຽບ, ສະນັ້ນຕ້ອງການຄວາມຍຸດຕິທຳໃນການຄ້າ ແລະເປີດປະຕູເຊິ່ງກັນແລະກັນຢ່າງສະເໝີພາບກັນ. ເຊິ່ງຂໍ້ອ້າງນີ້ແມ່ນງ່າຍທີ່ຈະເຮັດໃຫ້ຄົນອື່ນເຂົ້າໃຈຜິດ, ສະນັ້ນ ປື້ມປົກຂາວນັ່ງກ່າວໄດ້ເລີ່ມຈາກການຄ້າສິນຄ້າລະຫວ່າງຈີນ－ອາເມລິກາ, ການຄ້າການບໍລິການ, ການລົງທຶນ ແລະ ດ້ານອື່ນໆມາຢືນຢັນວ່າ ການຮ່ວມມືດ້ານເສດຖະກິດການຄ້າລະຫວ່າງຈີນ－ອມເລິກາແມ່ນການພົວພັນທີ່ໄດ້ຜົນ ປະໂຫຍດທັງສອງຝ່າຍ, ຫາກບໍ່ແມ່ນການແຂ່ງຂັນທີ່ຝ່າຍໜຶ່ງໄດ້ປຽບໂດຍເຮັດໃຫ້ອີກຝ່າຍໜຶ່ງເສຍປຽບ, ສະນັ້ນຄຳວ່າ ອາເມລິກາເສຍປຽບແມ່ນບໍ່ມີຫຼັກອ້າງອີງ. ພ້ອມກັນນັ້ນ, ປື້ມປົກຂາວໄດ້ໃຫ້ຄວາມກະຈ່າງແຈ້ງ ແລະຕອບໂຕ້ຢ່າງ ມີຫລັກຖານກ່ຽວກັບການກ່າວຫາຕໍ່ຈີນຂອງອາເມລິກາໃນບົດລາຍງານສຳຫຼວດ 301 ກ່ຽວກັບຫົວຂໍ້ວ່າ: ການຄ້າສອງ ຝ່າຍບໍ່ສະເໝີກັນ, ການູຄ້າບໍ່ຍຸດຕິທຳ, ການໂອນເຕັກນິກແບບບັງຄັບ, ການລັກເອົາສິດຊັບສິນທາງປັນຍາ, ລັດຖະບານ ສົ່ງເສີມວິສາຫະກິດໄປລົງທຶນຢູ່ຕ່າງປະເທດເພື່ອຮັບເອົາເຕັກນິກກ້າວໜ້າ, ນະໂຍບາຍເກື້ອກູນແລະການກ້າວຫາທີ່ບໍ່ ຖືກກັບຄວາມຈິງອື່ນໆ.
ປື້ມປົກຂາວສະບັບນີ້ຊີ້ອອກວ່າ, ຫຼັກການຕ່າງຝ່າຍຕ່າງໄດ້ຮັບຜົນປະໂຫຍດຂອງອົງການການຄ້າໂລກໄດ້ພິຈາລະຂາເຖິງ ຄວາມແຕກໂຕນກັນຂອງການພັດທະນາຂອງປະເທດຕ່າງໆ ຖືເປັນຄວາມຍຸດຕິທຳສາກົນທີ່ແທ້ຈິງ. ແຕ່ຄຳວ່າ ການຄ້າ ຍຸດຕິທຳແລະການເປີດປະຕູຢ່າງສະເໝີພາບກັນທີ່ອາເມລິກາຍຶດຖືນັ້ນໄດ້ປະຕິເສດຄວາມແຕກໂຕນກັນຂອງການພັດທະນາທີ່ຕ່າງກັນ, ຊັບພະຍາກອນທີ່ຕ່າງກັນແລະທ່າແຮງທີ່ຕ່າງກັນຂອງປະເທດຕ່າງ, ໄດ້ປະໝາດສິດການພັດທະນາ ຂອງບັນດາປະເທດທີ່ພວມພັດທອະ, ຍ່ອມຈະເຮັດໃຫ້ບັນດາປະເທດທີ່ພວມພັດທະນາຖືກກະທົບດ້ານເສດ ຖະກິດແລະອຸດສາຫະກຳ, ເຮັດໃຫ້ກາຍເປັນຄວາມບໍ່ຍຸດຕິທຳທີ່ໜັກໜ່ວງ.
ອັນທີສອງ, ປື້ມປົກຂາວໄດ້ບັນຍາຍຫຼັກໝັ້ນຂອງຈີນກ່ຽວກັບບັນຫາເສດຖະກິດການຄ້າລະຫວ່າງຈີນ－ອາເມລິກາ ກໍ່ຄື ຄວາມເຫັນກ່ຽວກັບການພົວພັນສາກົນ.
ໃນໄລຍະເຄິ່ງປີທີ່ອາເມລິກາກໍ່ຄວາມຂັດແຍ້ງກັນດ້ານການຄ້າກັບຈີນ, ຫຼັກໝັ້ນຂອງຈີນແມ່ນຈະແຈ້ງ, ໜັກແໜ້ນຕະ ຫຼອດມາ ເຊິ່ງປື້ມປົກຂາວໄດ້ບັນຍາຍຢ່າງຮອບດ້ານຈາກ 8 ດ້ານ ຄື: ຈີນຍ້ດໝັ້ນປົກປັກຮັກສາກຽດສັກສີແຫ່ງຊາດ ແລະຜົນປະໂຫຍດໃຈກາງຂອງຕົນເອງ, ຍຶດໝັ້ນຊຸກຍູ້ການພົວພັນເສດຖະກິດການຄ້າຈີນ－ອາມເລິກາຂະຫຍາຍຕົວ ຢ່າງປອດໃສ, ຍຶດໝັ້ນປົກປັກຮັກສາແລະຊຸກຍກູ້ການປະຕິຮູບແລະປັບປຸງລະບຽບການຄ້າຫຼາຍຝ່າຍໃຫ້ສົມບູນຂຶ້ນ, ຍຶດໝັ້ນປົກປ້ອງລິຂະສິດແລະສິດຊັບສິນທາງປັນຍາ, ຍຶດໝັ້ນປົກປ້ອງສິດທິຜົນປະໂຫຍດທີ່ຊອບດ້ວຍກົດໝາຍຂອງ ນັກທຸລະກິດຕ່າງປະເທດທີ່ເຮັດທຸລະກິດຢູ່ຈີນ, ຍຶດໝັ້ນລົງເລິກການປະຕິຮູບແລະເປີດປະຕູສູ່ພາຍນອກ, ຍຶດໝັ້ນ ຊຸກຍູ້ການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດບັນດາປະເທດທີ່ໄດ້ພັດທະນາແລ້ວ ແລະພວມພັດທະນາ, ຍຶ້ດໝັ້ນຊຸກຍູ້ການສ້າງເປັນຄູ່ຮ່ວມຊາຕາກຳຂອງທົ່ວມວນມະນຸດ. ສະນັ້ນອາດເຫັນໄດ້ວ່າ, ນະໂຍບາຍແລະຫຼັກ ໝັ້ນທີ່ໜັກແໜ້ນຂອງຈີນໃນ 8 ດ້ານດັ່ງກ່າວ, ບໍ່ພຽງແຕ່ສຸມໃສ່ບັນຫາເສດຖະກິດການຄ້າຈີນ－ອາເມລິກາ, ແລະກໍ່ໄດ້ ພິຈາລະນາເຖິງການເຮັດໃຫ້ການພົວພັນສາກົນພັດທະນາຢ່າງປອດໃສ, ທັງໄດ້ສະແດງໃຫ້ເຫັນເຖິງພັນທະແລະການ ຮັບຜິດຊອບດ້ານສິນທຳຂອງຈີນ.
ອັນທີສາມ, ໄດ້ສະເໜີກ່ຽວກັບທິດທາງການແກ້ໄຂບັນຫາຄວາມຂັດແຍ້ງກັນດ້ານເສດຖະກິດການຄ້າລະຫວ່າງຈີນ－ອາເມລາຢ່າງສຳມເຫດສົມຜົນກອອກມາ.
ປື້ມປົກຂາວເຫັນວ່າ, ຈີນແລະອາເມລິກມີຂັ້ນຕອນການພັດທະນາເສດຖະກິດແລະລະບຽບການເສດຖະກິດທີ່ຕ່າງກັນ, ສະນັ້ນການເກີດຄວາມຂັດແຍ້ງກັນແມ່ນເລື່ອງປົກກະຕິ, ສຳຄັນແມ່ນເຮັດແນວໃດຊຸກຍູ້ຄວາມໄວ້ເນື້ອເຊື່ອໃຈກັນ, ຊຸກຍູ້ການຮ່ວມມືກັນ, ແລະຄຸ້ມຄອງຄວາມຂັດແຍ້ງກັນ.
ປັດຈຸບັນ, ລັດຖະບານອາເມລິກາໄດ້ຍົກລະດັບສົງຄາມການຄ້າໃຫ້ສູງຂຶ້ນແຕ່ຝ່າຍດຽວ ເຮັດໃຫ້ສອງຝ່າຍຈະຖືກ ກະທົບຢ່າງໜັກຈາກການເພີ່ມພາສີແກ່ກັນ, ແລະກໍ່ຈະເຮັດໃຫ້ຕ່ອງໂສ້ການຜະລິດ ແລະການຝື້ນຟູເສດຖກິດຂອງທົ່ວ ໂລກປະສົບກັບແຮງກົດດັນຢ່າງສູງ. ປື້ມປົກຂາວຊີ້ອອກວ່າ, ການພົວພັນເສດຖະກິດການຄ້າລະຫວ່າງຈີນ－ອາເມລິກາ ກ່ຽວພັນເຖິງຄວາມໝັ້ນຄົງແລະສະຖຽນລະພາບຂອງເສດຖະກິດທົ່ວໂລກ, ກ່ຽວພັນເຖິງສັນຕິພາບແລະການ ພັດທະນາຂອງທົ່ວໂລກ, ຄວນແກ້ໄຂໃຫ້ຕົກຢ່າງເໝາະສົມ. ຈີນຍິນດີຮ່ວມກັບອາເມລິກາ, ຕັ້ງໜ້າສ້າງລະບຽບ ການໃໝ່ດ້ານເສດຖະກິດການຄ້າຈີນ－ອາມເລິກາທີ່ກ້ຳເກິ່ງກັນ, ມີຄວາມໂອບອ້ອມອາລີແກ່ກັນແລະໄດ້ຮັບຜົນປະ ໂຫຍດຮ່ວມກັນ. ພ້ອມກັນນັ້ນ ປື້ມປົກຂາວກ່າວເນັ້ນວ່າ ຈີນເປີດປະຕູການເຈລະຈາມາໂດຍຕະຫຼອດ, ແຕ່ການເຈລະຈາ ຕ້ອງດຳເນີນໄປພາຍໃຕ້ກາງເຄົາລົບເຊິ່ງກັນແລະກັນ, ສະເໝີພາບກັນ, ມີຄວາມສັດຊື່ກັນແລະການກະທຳ ແລະວາຈາ ເປັນເອກະພາບກັນ, ບໍ່ຄວນດຳເນີນໄປພາຍໃຕ້ການຂົ່ມຄູ່ດ້ວຍການເພີ່ມພາສີ, ບໍ່ຄວນເສຍຫາຍສິດການພັດທະນາ ຂອງຈີນ, ຫຼັກການເຫຼົ່ານີ້ຖືເປັນເສັ້ນທາງທີ່ຖືກຕ້ອງໃນການແກ້ໄຂຄວາມຂັດແຍ້ງກັນດ້ານເສດຖະກິດການຄ້າຈີນ－ອາມເລິກາ.
ສົງຄາມການຄ້າບໍ່ມີຝ່າຍໃດຈະໄດ້ຊະນະ. ຢາກຈະແກ້ໄຂບັນຫາຢ່າງຖືກຕ້ອງ, ກໍ່ຕ້ອງຮັກສາຄວາມໃຈເຢັນ, ອ່ານປື້ມປົກຂາວສະບັບນີ້ໃຫ້ລະອຽດ, ຮັບຮູ້ການພົວພັນຕ່າງຝ່າຍຕ່າງມີຜົນປະໂຫຍດດ້ານເສດຖະກິດການຄ້າ ລະຫວ່າງຈີນ－ອາເມລິກາຢ່າງນອກຕົວ ຮອບດ້ານແລະມີສະຕິ, ພິຈາລະຂາຈາກຄວາມສຸກຂອງປະຊາຊົນ, ແລ້ວກັບຄືນສູ່ໂຄຈອນທີ່ຖືກຕ້ອງແຫ່ງການແກ້ໄຂຄວາມຂັດແຍ້ງກັນ.
ແຫຼ່ງຈາກ: http://laos.cri.cn/20180924/cef995e0-13b0-ae0d-1f4b-f5aaf0bde6af.html

　　

ຂໍຊົມເຊີຍ ແນວຄິດຂອງ ສ.ປ ຈີນ “ໜຶ່ງ​ແລວ​ໜຶ່ງ​ເສັ້ນ​ທາງ​” ໄດ້​ກາຍ​ເປັນ​ເວ​ທີ​ຮ່ວມ​ມື​ສາ​ກົນ​ຂະ​ໜາດ​ໃຫຍ່​ທີ່​ສຸດ

ວັນ​ທີ 28 ກັນ​ຍາ​ນີ້​ໃນ​ໂອ​ກາດ​ກ່າວ​ປາ​ໄສ​ໃນກອງ​ປະ​ຊຸມ​ສະ​ມັດ​ຊາ​ໃຫຍ່​ອົງ​ການ​ສະ​ຫະ​ປະ​ຊາ​ຊາດ​ສະ​ໄໝ​ທີ 73, ທ່ານ​ຫວາງ​ຢີ້ ທີ່​ປຶກ​ສາ​ແຫ່ງ​ລັດ​ທັງ​ເປັນ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຈີນ​ກ່າວ​ວ່າ, ທ່ານ​ສີ​ຈິ້ນ​ຜິງ ປະ​ທານ​ປະ​ເທດ​ຈີນ​ສະ​ເໜີ​ຂໍ້​ລິ​ເລີ່ມ “ໜຶ່ງ​ແລວ​ໜຶ່ງ​ເສັ້ນ​ທາງ” ແມ່ນ​ຜະ​ລິດ​ຕະ​ພັນ​ສາ​ທາ​ລະ​ນະ​ທີ່​ຈີນ​ສະ​ໜອງ​ໃຫ້​ແກ່​ທົ່ວ​ໂລກ, ໄດ້​ກາຍ​ເປັນ​ເວ​ທີ​ຮ່ວມ​ມື​ສາ​ກົນ​ຂະ​ໜາດ​ໃຫຍ່​ທີ່​ສຸດ​ໃນ​ໂລກ. “ໜຶ່ງ​ແລວ​ໜຶ່ງ​ເສັ້ນ​ທາງ” ​ໄດ້ຍຶດ​ໝັ້ນ​ໃນ​ຫຼັກ​ການປຶກ​ສາ​ຫາ​ລື​ກັນ, ການ​ສ້າງ​ສາ​ຮ່ວມ​ກັນ​ແລະ​ແບ່ງ​ປັນ​ຜົນ​ປະ​ໂຫຍດ​ຮ່ວມ​ກັນ, ປະ​ຕິ​ບັດ​ຕາມ​ກົດ​ໝາຍ​ແລະ​ລະ​ບຽບ​ການ​ສາ​ກົນ​ທີ່​ເປີດ​ປະ​ຕູ​ສູ່​ພາຍນອກ​ແລະ​ໂປ່ງ​ໃສ, ສະ​ແຫວງ​ຫາ​ການ​ພັດ​ທະ​ນາ​ແບບ​ສີ​ຂຽວ, ອະ​ນຸ​ລັກ​ສິ່ງ​ແວດ​ລ້ອມ​ແລະ​ຍືນ​ຍົງ, ຈຸດ​ປະ​ສົງ​ແມ່ນ​ບັນ​ລຸ​ການ​ພັດ​ທະ​ນາ​ແລະ​ຈະ​ເລີນ​ຮຸ່ນ​ເຮືອງ​ຮ່ວມ​ກັນ​ໂດຍ​ຜ່ານ​ການຊ່ວຍ​ຊູ​ຍູ້​ໜູນ​ກັນ. ມາ​ຮອດ​ເດືອນ​ກັນ​ຍາ​ປີ​ນີ້, ມີ 130 ກວ່າ​ປະ​ເທດ​ແລະ​ອົງ​ການ​ຈັດ​ຕັ້ງ​ສາ​ກົນ​ໄດ້​ເຊັ່ນ​ສັນ​ຍາ​ຮ່ວມ​ມື​ກັບ​ຈີນ. ປີ​ໜ້າ​ຈີນ​ຈະ​ຈັດ​ກອງ​ປະ​ຊຸມ​ເວ​ທີ​ປຶກ​ສາ​ຫາ​ລື​ຮ່ວມ​ມື​ສາ​ກົນ “ໜຶ່ງ​ແລວ​ໜຶ່ງ​ເສັ້ນ​ທາງ” ຄັ້ງ​ທີ 2, ​ຈີນຍິນ​ດີ​ຕ້ອນ​ຮັບ​ຝ່າຍ​ຕ່າງໆ​ເຂົ້າ​ຮ່ວມ​ກອງ​ປະ​ຊຸມ.

ແຫຼ່ງຂ່າວຈາກ:  CRI

ວິທີຕອບຄຳຖາມຕອນສຳພາດໃຫ້ຖືກໃຈ...ເມື່ອຖືກຖາມ>>>

ວິທີຕອບຄຳຖາມຕອນສຳພາດໃຫ້ຖືກໃຈ...ເມື່ອຖືກຖາມວ່າ: ເປັນຫຍັງ ຈຶ່ງຢາກຮ່ວມເຮັດວຽກນຳບໍລິສັດນີ້?.
ເປັນຫນຶ່ງໃນຄຳຖາມທີ່ມັກຈະໄດ້ຍິນຫລາຍທີ່ສຸດໃນຕອນສຳພາດສະມັກວຽກ. ຟັງເບິ່ງແລ້ວ,ອາດຈະເປັນຄໍາຖາມງ່າຍໆທີ່ໃຜໆກໍນ່າຈະຕອບໄດ້ ແຕ່ກໍເປັນຄຳຖາມທີ່ຜູ້ສະມັກວຽກສ່ວນໃຫຍ່ຄິດຫນັກທີ່ສຸດເຊັ່ນກັນ.
ຄວາມຈິງແລ້ວ: ເປັນຫຍັງເຈົ້າ ຈຶ່ງຢາກຮ່ວມເຮັດວຽກນຳບໍລິສັດນີ້?. ເປັນຄຳຖາມທີ່ມີຄວາມສຳຄັນຫລາຍຕໍ່ການຈ້າງງານ, ຄະນະກຳມະການຜູ້ສຳພາດ ຫຼື ຝ່າຍບຸກຄະລາກອນອາດຈະຕັ້ງຄຳຖາມນີ້ເພື່ອຊ່ວຍໃນການພິຈາລະນາວ່າ: ຜູ້ສະມັກວຽກຈະສາມາດປັບຕົວໃຫ້ເຂົ້າກັບວັດທະນາທຳໃນບໍລິສັດໄດ້ ຫລື ບໍ? ຫລື ເພື່ອໃຫ້ເຫັນເຖິງເປົ້າຫມາຍ ແລະ ແຮງຈູງໃຈໃນການເຮັດວຽກງານຂອງຜູ້ສະມັກ.
ດ້ວຍເຫດຜົນນີ້: ການກຽມຕົວໃຫ້ພ້ອມ ແລະ ສຶກສາກ່ຽວກັບບໍລິສັດທີ່ເຈົ້າຕ້ອງການເຮັດວຽກນັ້ນຈຶ່ງເປັນສິ່ງສຳຄັນ. ມາເບິ່ງກັນເລີ່ຍວ່າ: ຕ້ອງກຽມຕົວແບບໃດ ແລະ ຈະຕອບຄໍາຖາມແນວໃດ,ຈຶງຈະຖືກໃຈນາຍຈ້າງ ແລະ ເຮັດໃຫ້ຕົນເອງມີໂອກາດເພີ່ມໃນການໄດ້ເຮັດວຽກ:
ອັນດັບທຳອິດ:
##ການຄົ້ນຫາຂໍ້ມູນກ່ຽວກັບບໍລິສັດ
ຄົ້ນຫາຂໍ້ມູນຈາກເວັບໄຊຂອງບໍລິສັດ, ຢູ່ໃນເວັບໄຊຂອງບໍລິສັດເປັນແຫລ່ງຂໍ້ມູນທີດີ ແລະ ຈະມີຂໍ້ມູນກ່ຽວກັບປະຫວັດ,ເປົ້າຫມາຍ,ວິໄສທັດ ແລະ ສິນຄ້າ ຫລື ການບໍລິການຕ່າງໆຂອງບໍລິສັດ.
##ການຄົ້ນຫາຜ່ານສືອ່ອນໄລຕ່າງໆ
ເຖິງເວັບໄຊຂອງບໍລິສັດຈະສາມາດໃຫ້ຂໍ້ມູນທີ່ດີໄດ້ຫລາຍກໍຕາມ,ແຕ່ການຄົ້ນຫາຈາກແຫລ່ງຂໍ້ມູນຫລາຍບ່ອນຍ່ອມດີກວ່າ ແລະ ເຈົ້າຍັງສາມາດຮຽນຮູ້ໄດ້ຫລາຍຂື້ນດ້ວຍການຄົ້ນຫາຈາກ Google ແລະ ສືພີມອື່ນໆ.
ຕົວຢ່າງ: ການຕອບຄຳຖາມງ່າຍໆ ເປັນຫຍັງ ເຈົ້າຈຶງຢາກຮ່ວມງານກັບບໍລິສັດເຮົາ?
ສ່ວນຫລາຍຜູ້ສະມັກວຽກມັກໃຊ້ຄຳຕອບວ່າ: ຕຳແຫນ່ງໃດກໍໄດ້ ແຕ່ມັນຈະເຮັດໃຫ້ເຈົ້າບໍ່ສາມາດສືສານກັບນາຍຈ້າງໄດ້ວ່າ:ເຈົ້າຕ້ອງການເຮັດວຽກໃນຕຳແຫນ່ງທີ່ສະມັກໄປເທົ່ານັ້ນ.ນອກຈາກນີ້ແລ້ວ, ມັນຍັງເປັນຄຳຕອບທີ່ບໍ່ກະຕືລື້ລົນຈະເຮັດໃຫ້ຜູ້ສຳພາດເກີດຂໍ້ສົງໄສວ່າ: ເຈົ້າຕ້ອງການເຮັດວຽກແທ້ໆ ຫລື ບໍ. ສະນັ້ນເຈົ້າຕ້ອງຕອບໃຫ້ລະອຽດກ່ຽວກັບເຫດຜົນທີ່ຕ້ອງການເຮັດວຽກ ແລະ ວິທີການເຮັດວຽກທີ່ເຫມາະກັບເປົ້າຫມາຍຂອງເຈົ້າເອງນີ້ເປັນສິ່ງສຳຄັນ. ໂດຍສະເພາະບ່ອນເຮັດວຽກທີ່ມີການເລື່ອນຂັ້ນເລື່ອນຊັ້ນຕຳແຫນ່ງເຮັດວຽກ ຫລື ເປັນວຽກທີ່ມີການກ້າວຂື້ນສູ່ຄວາມຮັບຜິດຊອບຫລາຍຂື້ນ.ນອກຈາກການຄິດຄຳຕອບຂອງຄຳຖາມລັກສະນີ້ແລ້ວ, ສິ່ງທີ່ເຈົ້າຕ້ອງເຮັດຄື:ຕອບຕົນເອງໃຫ້ໄດ້ວ່າ, ເຈົ້າຕ້ອງສາມາດເວົ້າກ່ຽວກັບສິ່ງທີ່ກະຕຸ້ນໃຫ້ເຈົ້າຢາກເຮັດວຽກນີ້ໄດ້ ເພາະວ່າ ນາຍຈ້າງທຸກຄົນຕ້ອງການຈ້າງຄົນທີ່ຈະຮັກວຽກໃນອົງກອນຂອງເຂົາ ແລະ ມຸ້ງໝັ້ນທີ່ຈະເຮັດວຽກໃຫ້ອອກວຽກດີທີ່ສຸດ.
ສິ່ງສຳຄັນທີ່ສຸດຄືການກຽມຄວາມພ້ອມ ແລະ ໝັ້ນໃຈກັບຄວາມສາມາດຂອງຕົນເອງ.
ໃນທີ່ສຸດແລ້ວ ນາຍຈ້າງທັງຫລາຍຈະສາມາດເບິ່ງເຫັນຄວາມແຕກຕ່າງລະຫວ່າງຜູ້ສະມັກວຽກທັງຫມົດ ແລະ ຄວາມພິເສດເຫລົ່ານັ້ນຈະເຮັດໃຫ້ເຈົ້າມີໂອກາດໄດ້ຮັບເຮັດວຽກຕາມມາ.

ຂະນົບທຳນຽມແລະມາລະຍາດຂອງປະເທດຍີ່ປຸ່ນ

ຂະນົບທຳນຽມ ແລະ ມາລະຍາດທີ່ຄວນຮູ້ໄວ້ ກ່ອນໄປປະເທດຍີ່ປຸ່ນ “6 ຂໍ້ທີ່ບໍ່ຄວນເຮັດ”
1. ບໍ່ຄວນຊີ້ນີ້ວມືໃສ່ຄົນອື່ນ ແລະ ຫ້າມຈ້ອງເບີ່ງຄົນອື່ນດົນ: ການໃຊ້ນິ້ວມືໃສ່ຄົນອື່ນເປັນພຶດຕິກຳທີ່ເສຍມາລະຍາດ,ອີກຢ່າງຄົນຍີ່ປຸ່ນກໍບໍ່ຄຸ້ນເຄີຍກັບການຈ້ອງເບິ່ງຕາຄູ່ສົນທະນາດົນ.
 2. ບໍ່ແຕ່ງໂຕໂດດເດັ່ນ: ຄົນຍີ່ປຸ່ນມັກໃຫ້ຄວາມສຳຄັນກັບຄວາມກົມກຶ່ນ ແລະ ຄວາມເປັນລະບຽບຮຽບຮ້ອຍໃນສັງຄົມຫລາຍກວ່າການເໜັ້ນຄວາມອິດສະຫລະ ຫລື ລັກສະນະສະເພາະບຸກຄົນ ໂດຍຈະຢຶດຫຼັກການໃນການມີ ຈິດໃຈແຫ່ງຄວາມກົມກຶ່ນ ທີ່ສົ່ງຜົນຫລັກຕໍ່ຄວາມສະຖຽນລະພາບ. ດ້ວຍເຫດນີ້,ຄົນຈຳນວນຫຼາຍຈຶ່ງບໍ່ນິຍົມແຕ່ງຕົວໂດດເດັ່ນແຕກຕ່າງຈາກຄົນອື່ນ
3. ການສູບຢາຕາມທ້ອງຖະໜົນຖືເປັນພຶດຕິກຳທີ່ບໍ່ຄວນເຮັດ, ສະຖານທີ່ຫ້າມສູບຢາສ່ວນຫລາຍຈະເປັນພື້ນທີ່ສາທາລະນະ ແລະ ຮ້ານອາຫານ, ແຕ່ຈະມີພື້ນທີ່ໄວ້ໃຫ້ສູບຢາໂດຍສະເພາະ
4. ການແຍກຂີ້ເຫຍື້ອ: ຫ້າມຖີ້ມຂີ້ເຫຍື້ອຊະຊາຍ,ຫາກບໍ່ມີຖັງຖີ້ມຂີ້ເຫຍື້ອຢູ່ໃກ້ຄ້ຽງ ກໍຈະຕ້ອງເອົາຂີ້ເຫຍື້ອໃສ່ກະເປົ່າຕົນເອງກັບບ້ານ ແລະ ເວລາຈະຖີ້ມຂີ້ເຫຍື້ອຈຳເປັນຕ້ອງແຍກປະເພດຂີ້ເຫຍື້ອເຊັ່ນ: ຂີ້ເຫຍື້ອຈູດໄດ້, ຂີ້ເຫຍື້ອຈູດບໍ່ໄດ້, ກວດແກ້ວເປົ່າ ແລະ ກະຕຸກຢ່າງເປົ່າ ເປັນຕົ້ນ,ນອກຈາກນັ້ນ ໃຫຖີ້ມຂີ້ເຫຍື້ອໃສ່ຖັງຂີ້ເຫຍື້ອທີ່ກຳນົດໄວ້.
5. ຮູ້ຮັກສາຄວາມສະອາດໂດຍບໍ່ສ້າງຄວາມເດືອດຮ້ອນໃຫ້ແກ່ຄົນອື່ນ: ຄົນຍີ່ປຸ່ນຈະສອນໃຫ້ຮູ້ຮັກສາຄວາມສະອາດຕັ້ງແຕ່ຕອນຍັງເປັນເດັກນ້ອຍ,ໃນໂຮງຮຽນກໍມີເວລາໃຫ້ເດັກນ້ອຍໄດ້ທຳຄວາມສະອາດອີກດ້ວຍ. ພ້ອມກັນນັ້ນ,ໃຊ້ສີ່ງຂອງຂອງສາທາລະນະຮ່ວມກັນຢ່າງທະນຸຖະຫນອມ​ ແລະ​ບໍ່ຄວນຖົ່ມນ້ຳລາຍ ໃສ່ຕາມທາງຍ່າງ
6. ຫ້າມເວົ້າສຽງດັງວົນແຊວໃນພື້ນທີ່ສາທາລະນະ: ການເວົ້າສຽງດັງເກີນໄປຢູ່ໃນພື້ນທີ່ສາທາລະນະເຊັ່ນ: ຢູ່ໃນລົດໄຟ ແລະ ລົດເມປະຈຳທາງ ຕະຫລອດຮອດການລົມໂທລະສັບຢູ່ໃນລົດໄຟ ຫລື ລົດເມເປັນພຶດຕິກຳທີ່ບໍ່ຄວນເຮັດ

3 ຂໍ້ດີມີປະໂຫຍດສຳລັບຄົນທີ່ໄດ້ພາສາຕ່າງປະເທດ

ການຮຽນພາສາຕ່າງປະເທດໃຫ້ຮູ້ຫລາຍພາສາ ຫລື ຮູ້ພາສາຕ່າງປະເທດໃດຫນຶ່ງ,ນອກຈາກຈະເຮັດໃຫ້ເຮົາສາມາດສືສານກັບຄົນຕ່າງປະເທດໄດ້ແລ້ວ, ຍັງມີໂອກາດໄດ້ເຮັດວຽກທີ່ດີ. ເຊິງທາງເພສຂອງພວກເຮົາຈະມາສະຫລຸບຫຍໍ້ໃຫ້ເຫັນ 3 ຂໍ້ດີທີ່ມີປະໂຫຍດຕໍ່ຕົນເອງ:
1.ມີປະໂຫຍດຕໍ່ການດຳລົງຊີວິດປະຈຳວັນ
2.ມີປະໂຫຍດຕໍ່ການສຶກສາຮຳຮຽນ
3.ມີປະໂຫຍດຕໍ່ວຽກງານທີ່ຕົນເອງເຮັດຢູ່ ຫລື ກຳລັງຊອກວຽກເຮັດ

7 ວິທີ ທີ່ຊ່ວຍເສີ່ມສ້າງວິໄນໃຫ້ຕົນເອງ

ຍັງອີກ...3 ເດືອນ, ປີ 2018ກໍຈະໝົດແລ້ວ ແລະ ປີ 2019 ກໍຈະເຂົ້າມາແທນ. ເຈົ້າລືມເປົ້າໝາຍໃນຊີວິດຂອງເຈົ້າໄປແລ້ວບໍ່?. ຖ້າຮູ້ສຶກວ່າ ກຳລັງເມື່ອຍ ແລະ ເບື່ອໜາຍກັບຊີວິດ,ກໍຈົ່ງຢ່າທໍ້ແທ້ ຫລື ຍ່ອມແພ້ໄປ ໃຫ້ຕັ້ງໃຈເຮັດຕໍ່ໄປ ແລ້ວ ທຸກໆຢ່າງຈະງ່າຍຂື້ນເອງ,ແຕ່ຖ້າຫາກເຈົ້າເລີ່ມຮູ້ສຶກວ່າຕົນເອງເລີ່ມຫຼຸດອອກຈາກເປົ້າຫມາຍທີ່ຕັ້ງໄວ້ແລ້ວ ກໍໃຫ້ຖືວ່າ: ນີ້ແລະ ຄື ໂອກາດດີທີ່ຈະກັບມາສູ້ໃຫມ່ອີກຄັ້ງ. ດັ່ງນັ້ນ ລອງມາເອົາ7 ເຄັບລັບມານຳໃຊ້ໃນຊີວິດຕົນເອງເພື່ອຊ່ວຍເພີ່ມວິໄນຂອງຕົນເອງໃຫ້ຫລາຍຂື້ນ.
1. ເຮັດທຸກມື້ໃຫ້ດີທີ່ສຸດ: ລອງມາເບິ່ງຄົນທີ່ປະສົບຄວາມສຳເລັດທີ່ຢູ່ໃກ້ຕົນເອງເຊັ່ນ:ຫມູ່ເພື່ອນ,ອ້າຍເອື້ອຍນ້ອງທີ່ຮູ້ຈັກ,ເພື່ອນຮ່ວມງານ,ອາຈານສອນ,ຫົວຫນ້າທີ່ຕົນເອງເຮັດວຽກນຳ ຫລື ຄົນທີ່ມີຊື່ສຽງທີ່ເຈົ້າປປື້ມ ແລະ ຊື່ນຊົມ, ແລ້ວໃຫ້ຈິນຕະນາການວ່າ ພວກເຂົາເຫຼົ່ານີ້ ຄິດ ແລະ ໃຊ້ຊີວິດແບບໃດ. ໂດຍເຈົ້າຈະສັງເກດເຫັນບາງສິ່ງທີ່ຄືກັນນັ້ນກໍຄື: ພວກເຂົາຕັ້ງໃຈໝັ້ນເຮັດທຸກມື້ໃຫ້ເຕັ້ມທີ່,ດັ່ງທີ່ ທ່ານ Matt Mayberry ນັກຂຽນຂອງ ເວັບໄຊ້ Entrepreneur ກ່າວໄວ້ວ່າ: ບໍ່ວ່າເຈົ້າຈະເຮັດຫຍັງ,ສິ່ງສຳຄັນຄືຕ້ອງພະຍາຍາມເຮັດໃຫ້ອອກມາດີທີ່ສຸດໃນທຸກໆມື້. ເຈົ້າອາດຈະບໍ່ເຫັນຜົນຮັບໃນທັນທີ ຫລື ຕ່ອນນີ້ ແຕ່ມັນຈະຊັດເຈນຂື້ນເມື່ອເວລາຜ່ານໄປ ດັ່ງນັ້ນ ຈົ່ງເຮັດທຸກສິ່ງທຸກຢ່າງດ້ວຍໃຈ ແລະ ເຮັດມັນໃຫ້ເຕັ້ມທີທີ່ສຸດ.
2. ນອນຫຼັບໃຫ້ພຽງພໍ: ການທີ່ຈະປະສົບຄວາມສຳເລັດ ຫລື ການທີ່ຈະສາມາດຄວບຄຸ້ມ ແລະ ມີວິໄນໃຫ້ຕົນເອງໄດ້ນັ້ນກໍຄື: ເຈົ້າຕ້ອງນອນຫຼັບໃຫ້ພຽງພໍ, ຄົນສ່ວນຫລາຍມັກຈະຄິດວ່າ: ການນອນຫຼັບບໍ່ໄດ້ມີຜົນຕໍ່ການເຮັດວຽກງານ ຫລື ອາລົມຂອງຕົນເອງ,ແຕ່ໃນຄວາມເປັນຈິ່ງແລ້ວ ມັນເປັນປັດໄຈສຳຄັນຫຼາຍ ເພາະການນອນທີ່ດີຕໍ່ສຸຂະພາບນັ້ນກໍຄື:ການທີ່ເຮົາຄວນຕື່ນ ແລະ ເຂົ້ານອນໃຫ້ຕົງເວລາເປັນປະຈຳ,ເຊິ່ງຖືວ່າເປັນວິໄນພື້ນຖານທີ່ເຮົາທຸກຄົນຄວນເຮັດ.
3. ຈັດລຳດັບຄວາມສຳຄັນສິ່ງຕ່າງໆໃຫ້ຖືກຕ້ອງ: ຢ່າມົວເສຍເວລາກັບເລື່ອງຈຸກຈິກ ແລະ ເລື່ອງທີ່ບໍ່ມີສາລະ.ເຈົ້າຕ້ອງຈັດລຳດັບຄວາມສຳຄັນສິ່ງທີ່ຕ້ອງເຮັດເປັນປະຈຳທຸກມື້. ທ່ານ Jake Gibson ຜູ້ກໍ່ຕັ້ງ NerdWallet Jake ກ່າວວ່າ: “ຄົນເຮົາຄວນໃສ່ໃຈກັບສິ່ງທີ່ເຮັດໃຫ້ເກີດຄວາມກ້າວຫນ້າເທົ່ານັ້ນ” ແລະ ລືມເລື່ອງຄວາມສົມບູນແບບທີ່ຢູ່ໃນໂລກໃບນີ້,ຈົ່ງເລື່ອກເຮັດສິ່ງທີ່ຍາກທີ່ສຸດກ່ອນ ແລະ ໂຟກັສກັບວຽກ ຫລື ສິ່ງທີ່ກຳລັງເຮັດໄປເທື່ອລະຢ່າງ. ສິ່ງເຫຼົ່ານີ້ຈະຊ່ວຍໃຫ້ເຈົ້າຈັດລຳດັບຄວາມສຳຄັນຂອງວຽກງານ ແລະ ຊີວິດຂອງເຈົ້າໄດ້ດີຂື້ນ. ມັນຈະຊ່ວຍໃຫ້ເຈົ້າມີວິໄນທີ່ດີ ແລະ ສາມາດຄວບຄຸ້ມຕົນເອງໄດ້ດີຂື້ນອີກດ້ວຍ.
4. ຮຽນຮູ້ທີ່ຈະ”ປະຕິເສດ”: ຄົນເຮົາມັກຈະລຳບາກໃຈທີ່ຈະເວົ້າວ່າ”ບໍ່” ແຕ່ການຮູ້ຈັກການປະຕິເສດຢ່າງສຸພາບກັບຄົນອ້ອມຂ້າງ ແລະ ໃກ້ຕົວນັ້ນເປັນສິ່ງສຳຄັນ. ທຸກຄັ້ງທີ່ມີຄົນຂໍໃຫ້ເຈົ້າເຮັດບາງສິ່ງບາງຢ່າງໃຫ້,ສິ່ງສຳຄັນຄື: ເຈົ້າຕ້ອງທົບທວນຕົນເອງກ່ອນວ່າ ມັນເກີດປະໂຫຍດຕໍ່ຕົນເອງ ຫລື ທຸລະກິດຂອງຕົນເອງ ຫລື ບໍ່. ການເຮັດອັນໃດທີ່ເກີນຄວາມສາມາດຂອງຕົນເອງອາດຈະເຮັດໃຫ້ຕົນເອງລືມເປົ້າຫມາຍຂອງຕົນທີ່ແທ້ຈິງຄືຫຍັງກັນແທ້, ແຖມຍັງເຮັດໃຫ້ແຜນການຕ່າງໆທີ່ເຈົ້າຕັ້ງໄວ້ນັ້ນບໍ່ຄືເກົ່າ.
5. ຮູ້ຈັກໃຫ້ອະໄພຕົນເອງ: ການອົດນອນ ເພາະ ມົວແຕ່ຄິດເລື່ອງຄວາມຜິດພາດເລັກນ້ອຍທີ່ເປັນເລື່ອງບໍ່ສົມເຫດສົມຜົນ ແທນທີ່ຈະປ່ອຍໃຫ້ຕົນເອງຢູ່ໃນຄວາມຮູ້ສຶກຜິດ ຫລື ເສຍໃຈແລ້ວຮຽນຮູ້ຈາກມັນແລ້ວກ້າວຕໍ່ໄປຂ້າງຫນ້າ ເພາະຫາກເຈົ້າປ່ອຍໃຫ້ເລື່ອງນັ້ນຖວງດຶງເຈົ້າໄວ້,ຄວາມຮູ້ສຶກນນັ້ນກໍຈະສົ່ງຜົນເສຍຕໍ່ດ້ານອື່ນໆໃນຊີວິດ ລ່ວມໄປເຖິງເປົ້າຫມາຍຂອງເຈົ້າອີກດ້ວຍ. ດັ່ງນັ້ນ ຈົ່ງຮຽນຮູ້ຈາກອະດີດ ແຕ່ຢ່າຈົມຢູ່ກັບມັນ ແລະ ຈົ່ງໃຊ້ປະສົບການເຫຼົ່ານັ້ນມາເປັນບົດຮຽນເພື່ອປັບປຸງຕົນເອງ, ໃຫ້ອະໄພຕົນເອງ ແລະ ຜູ້ອື່ນ ແລ້ວມຸ່ງໝັ້ນໃນການເຮັດຕາມເປົ້າຫມາຍທີ່ວາງໄວ້ຕໍ່ໄປດີກວ່າ.
6. ຮຽນຮູ້ທີ່ຈະກ້າວອອກຈາກ Comfort Zone: ການເດີນທາງໄປສູ່ເປົ້າຫມາຍຍ່ອມມີອຸປະສັກເປັນເລື່ອງທຳມະດາ, ອາດຈະມີບາງເທື່ອທີ່ເຈົ້າອາດຈະຮູ້ສຶກອຶດອັດ ແລະ ລຳບາກໃຈ ແຕ່ສິ່ງສຳຄັນທີ່ສຸດກໍຄືເຈົ້າຕ້ອງອົດທົນ ແລະ ຍ່ອມຮັບຄວາມຮູ້ສຶກເຫຼົ່ານີ້ໃຫ້ໄດ້ ເພື່ອຈະໄດ້ເຕີບໂຕ ແລະ ເຂັ້ມແຂງຂື້ນ. ຈົ່ງກ້າວອອກຈາກຈຸດທີ່ເຄີຍເຮັດ ເຫຼົ່ານັ້ນເພື່ອໃຫ້ໄດ້ມີໂອກາດເຮັດໃນສິ່ງທີ່ເຈົ້າບໍ່ເຄີຍຄິດວ່າເຮັດໄດ້ ພ້ອມທັງຊ່ວຍສ້າງວິໄນໃຫມ່ໃຫ້ຕົນເອງ ແລະ ເພີ່ມແຮງຈູງໃຈຫລາຍຂື້ນໃຫ້ກັບເຈົ້າມຸ່ງໄປສູ່ເປົ້າຫມາຍໄດ້ໄວຂື້ນອີກດ້ວຍ.
7. ໃຫ້ເບີ່ງເຫັນພາບຄວາມສຳເລັດຂອງເຈົ້າຢູ່ສະເຫມີ: ຈົ່ງຈິນຕະນາການພາບອະນາຄົດ ແລະ ຄວາມສຳເລັດຂອງເຈົ້າໄວ້ ແລ້ວມັນຈະສົ່ງຜົນໃຫ້ເຈົ້າສາມາດສະແດງສັກກະຍະພາບສູງສຸດຂອງຕົນເອງອອກມາໄດ້ງ່າຍຂື້ນ ເພາະ ເມື່ອເຈົ້າເບິ່ງເຫັນພາບອະນາຄົດທີ່ເຈົ້າຕ້ອງການຢ່າງຊັດເຈັນ ຮ່າງກາຍ ແລະ ຈິດໃຈຂອງເຈົ້າຈະພະຍາຍາມຜັກດັນຕົນເອງໃຫ້ກ້າວໄປສູ່ຈຸດນັ້ນໃຫ້ໄດ້ຢ່າງແນ່ນອນ.